Badambura

Hazırlanma

Bitmiş kimi qeyd etmək üçün addıma toxunun

1. 1 Ləpə, şəkər tozu və hill qarışdırılır.
2. 2 Əvvəlcə kərə yağı vam odda əridilib ilınmağı üçün hazır qoyulur.
3. 3 Sonra süd, maya və şəkər tozu qarışdırılıb 5-10 dəqiqə gözlədilir.
4. 4 Sonra yumurta, qatıq (və ya xama), ilınmış kərə yağı, sirkə və duz əlavə edilib qarışdırılır.
5. 5 Daha sonra 3 stəkan un əlavə edilib qarışdırılır.
6. 6 Sonra qalan un az-az əlavə edilərək ələ yapışmayan, yumşaq xəmir yoğrulur. Üstü örtülü 5-10 dəqiqə gözlədilir (xəmir mayalandırılmayacaq).
7. 7 Sonda isə xəmirdən 6 bərabər kündə hazırlanır.
8. 8 Kərə yağı vam odda əridilib hazır qoyulur.
9. 9 Kündələrin hamısı eyni böyüklükdə yayılır (mümkün qədər nazik yayılmalıdır).
10. 10 Sonra bütün yuxaların arasına təxminən 3 xörək qaşığı kərə yağı əlavə edib fırça ilə yağlanaraq üst-üstə qoyulur və kənarının səliqəsiz hissələri bıçaqla nazik kəsilib səliqəyə salınır.
11. 11 Son qat xəmiri də yağladıqdan sonra rulet şəklində mümkün qədər sıx bükülür və 16 bərabər hissəyə bölünür. (2 barmaq qalınlıqda)
12. 12 Sonra hər birinin kənarındakı çıxıntılı hissələr ortasına birləşdirilib ortası açılır, içərisinə 2 çay qaşığı içlik qoyulub bağlanır. (möhkəm birləşdirin ki, açılmasın)
13. 13 Əvvəlcədən isidilmiş 170° C sobada içi bişib altı qızaranadək (təxminən 30 dəqiqə) nəzarət edilərək bişirilir. (üstü ağ qalmalıdır)
14. 14 Bişdikdən 15 dəqiqə sonra isə balaca ələk ilə üzərlərinə şəkər pudrası səpilib servis edilir.